اسلام آباد (نیوز ڈیسک) الیکشن کمیشن آف پاکستان میں بڑے پیمانے پر تقرریاں اور تبادلے کردیے گئے۔
ای سی پی کے نوٹیفکیشن کے مطابق الیکشن کمیشن نے گریڈ 17 سے 19 کے 54، گریڈ 18 کے 16اور گریڈ 17 کے 24 افسران کے تبادلے کردیے گئے ہیں۔
ای سی پی نوٹیفکیشن کے مطابق ریجنل الیکشن کمشنر فیصل آباد شبیر عباس کو ڈائریکٹر الیکشن کمیشن پنجاب تعینات کردیا گیا ہے۔
نوٹیفکیشن کے مطابق ریجنل الیکشن کمشنر کوئٹہ نعیم احمد کا تبادلہ بطور ریجنل الیکشن کمشنر درخشاں کیا گیا اور ریجنل الیکشن کمشنر طاہر حسین کو کوئٹہ میں تعینات کردیا گیا ہے۔
ریجنل الیکشن کمشنر ڈیرہ اسماعیل خان اعجاز احمد ریجنل الیکشن کمشنر پشاور جبکہ پشاور سے سعید خان ریجنل الیکشن کمشنر کو ڈی آئی خان میں تعینات کیا گیا۔
نوٹیفکیشن کے مطابق علاقائی الیکشن کمشنر مکران علی عبداللہ خالد کو ریجنل الیکشن کمشنر ژوب تعینات کیا گیا جبکہ شاہد اسلم کو ریجنل الیکشن کمشنر گوجرانوالہ تعینات کردیا گیا۔
ای سی پی نے 24 ڈسٹرکٹ الیکشن کمشنر بھی تبدیل کردیے ہیں۔