لندن (ڈیسک) نواز شریف نے اپنی صاحبزادی مریم نواز کو ایون فیلڈ ریفرنس میں بری ہونے پر مبارکباد پیش کی۔

نواز شریف نے کہا کہ مریم نواز کے خلاف مقدمات جھوٹے تھے، انھوں نے کہا کہ میرے اور مریم نواز کے خلاف مقدمات سیاسی تھے جن کا مقصد ہمیں سیاست سے نکالنا تھا۔ نواز شریف کا کہنا تھا اللہ نے جھوٹوں کو آج بے نقاب کردیا۔ 2018 کے انتخابات میں حصہ لینے سے روکنے کے لیے عجلت میں سزا سنائی گئی۔ یہ چاہتے تھے کہ سزا سن کر میں پاکستان نہ آؤں، اس کے باوجود میں بیمار بیوی کو بستر مرگ پر چھوڑ کر بیٹی کے ہمراہ گرفتاری دینے پاکستان پہنچا تھا۔