دبئی (ڈیسک) پاکستانی کرکٹ اسٹار شعیب ملک اور بھارتی ٹینس اسٹار ثانیہ مرزا کی طلاق کی افواہوں کے خاتمے کے بعد بلاآخر ان کے مشترکہ ڈیجیٹل شو کی ریلیز کا اعلان کردیا گیا۔ پاکستان کے پہلے او ٹی ٹی پلیٹ فارم اردو فلکس کی جانب سے بھارتی ٹینس اسٹار ثانیہ مرزا اور قومی کرکٹ ٹیم کے سابق کپتان شعیب ملک کا ٹاک شو ’ دی مرزا ملک شو‘ نشر کرنے کا اعلان انسٹاگرام پر کیا گیا۔
شو کی حتمی تاریخ تو سامنے نہیں آسکی لیکن مداحوں کو یہ بتادیا گیا کہ شو رواں ماہ دسمبر میں نشر کیا جائے گا۔ اردو فلکس کی جانب سے شو سے متعلق پوسٹر پر امسال دسمبر درج ہے۔ مذکورہ پوسٹ کے کیپشن میں شعیب ملک اور ثانیہ مرزا کو بھی ٹیگ کیا گیا ہے۔ واضح رہے کہ اسٹار جوڑی کے درمیان علیحدگی کی افواہیں گذشتہ دنوں کافی گرم رہیں لیکن تاحال دونوں کی جانب سے باضابطہ طور پر اس حوالے سے تصدیق یا تردید نہیں کی گئی ہے۔
