اسلام آباد(ڈیسک)اداکار بابر علی کی فلم جیوا کے گانے جانو سن ذرا پر بیٹی زینب علی کے ہمراہ ڈانس کی وڈیو سوشل میڈیا پروائرل ہو گئی ہے۔

بابر علی نے اپنی پہلی فلم جیوا کے گانے جانو سن ذرا پر بیٹی کے ہمراہ ڈانس کیا جس کی وڈیو انسٹاگرام پر شیئر ہوتے ہی وائرل ہو گئی۔ وڈیوکو شائقین کی جانب سے بے حد پسند کیا جا رہا ہے ۔ یاد رہے کہ بابر علی نے 16سال کی عمر میں ڈرامہ انڈسٹری میں قدم رکھا جس کے بعد انہوں نے متعدد ڈراموں میں اداکاری کے جوہر دکھائے ۔ انہوں نے سید نور کی ہدایت کاری میں بننے الی فلم جیوا سے فلم کیرئر کا آغاز کیا جس میں ان کے ہمراہ ریشم پردہ سکرین پر دکھائی دیں ۔ بابر علی کی مشہور فلموں میں منڈا بگڑا جائے، چور مچائے شور، کھوئے ہو تم کہاں، یہ دل آپ کا ہوا اور لڑکی پنجابن شامل ہیں ۔ بابر علی حال ہی میں ڈرامہ سیریل عشق ہے میں دکھائی دیئے تھے۔