اسلام آباد (ڈیسک) سپیکر قومی اسمبلی اسد قیصر نے کہا ہے کہ وہ آزاد فیصلے کریں گے اور ایوان کے تقدس کو کبھی بھی پامال نہیں ہونے دیں گے۔

 قومی اسمبلی میں سیّد خورشید شاہ کی تقریر کے دوران وضاحت کرتے ہوئے سپیکر قومی اسمبلی نے کہا کہ کل شاہد خاقان عباسی سے بھی ان کی بات ہوئی تھی اور آج بھی وہ واضح کرنا چاہتے ہیں کہ ان پر کوئی کیس نہیں ہے۔ انہوں نے کہا کہ وہ آزاد فیصلے کریں گے اور ایوان کے تقدس کو کبھی پامال نہیں ہونے دیں گے۔ سپیکر نے کہا کہ انہوں نے پہلے بھی سخت فیصلے کئے ہیں۔