ممبئی(ڈیسک) آئی پی ایل میں چنئی سپر کنگز نے راجستھان رائلز کو دلچسپ مقابلے کے بعد 45 رنز سے ہرا دیا۔

راجستھان رائلز کی ٹیم 189 رنز کا ہدف حاصل کرنے میں ناکام رہی۔ معین علی نے 7 رنز کے عوض 3 وکٹیں حاصل کیں۔ وانکھیڈے سٹیڈیم، چنئی میں کھیلے گئے لیگ کے 12 ویں میچ میں چنئی سپر کنگز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 188 رنز بنائے۔ فاف ڈوپلیسی 33، امباتی رائیڈو 27 اور معین علی 26 رنز کے ساتھ نمایاں رہے۔ چیتن سکاریا نے تین اور کرس مورس نے دو کھلاڑیوں کو آﺅٹ کیا۔ راجستھان رائلز کی ٹیم مطلوبہ ہدف حاصل کرنے میں ناکام رہی اور اس نے مقررہ 20 اوورز میں 9 وکٹوں کے نقصان پر 143 رنز بنائے۔ جوز بٹلر 49 رنز کے ساتھ ٹاپ سکورر رہے۔ معین علی نے عمدہ باﺅلنگ کا مظاہرہ کیا اور 7 رنز کے عوض 3 وکٹیں حاصل کیں۔ انہیں میچ کا بہترین پلیئر قرار دیا گیا۔