Connect with us

پاکستان

یاسمین راشد کام جاری رکھیں انہیں مستعفی نہیں ہونے دیں گے، چیف جسٹس

لاہور(ڈیسک)چیف جسٹس پاکستان میاں ثاقب نثار نے کہا ہے کہ یاسمین راشد کام جاری رکھیں انہیں مستعفی نہیں ہونے دیں گے۔

سپریم کورٹ لاہور رجسٹری میں نجی یونیورسٹیز کی قانونی حیثیت سے متعلق کیس کی سماعت ہوئی تو وزیر صحت پنجاب ڈاکٹر یاسمین راشد عدالت میں پیش ہوئیں۔ انہوں نے چیف جسٹس سے شکوہ کرتے ہوئے کہا کہ آپ کے ریمارکس پر اپوزیشن مجھ سے استعفے کا مطالبہ کر رہی ہے۔

چیف جسٹس نے کہا کہ آپ کو استعفی نہیں دینے دیں گے آپ اپنا کام کریں، گھبرانے کی کوئی ضرورت نہیں آپ بہت قابل احترام  ہیں، آپ کا پورا کیرئیر بے داغ ہے، کس نے آپ کے خلاف یہ مہم شروع کی ہے، آپ کا کردار قابل تحسین ہے ہمارے پاس الفاظ نہیں جن سے آپ کی تعریف کی جائے۔

چیف جسٹس پاکستان نے کہا کہ ہمارے خلاف بھی مہم چلائی جاتی ہیں ایسے واٹس ایپ میسج موجود ہیں، تو کیا ان حالات میں کام کرنا چھوڑ دیں۔

واضح رہے کہ 6 جنوری کو پی کے ایل آئی سے متعلق ازخود نوٹس کیس کی سماعت کے دوران چیف جسٹس نے ڈاکٹر یاسمین راشد پر سخت اظہار برہمی کرتے ہوئے کہا تھا کہ پنجاب حکومت میں اہلیت نہیں ہے، نااہلی اور نکما پن اپنی انتہا کو پہنچ چکا ہے، یہ نااہلی ہی ہے کہ پنجاب حکومت سے معاملات نہیں چلائے جا رہے، اس کیس میں پنجاب حکومت کی نااہلی کو تحریری حکم کا حصہ بنا رہے ہیں۔

اس کا اشتراک:

اسلام آباد

قوم کا بچہ بچہ مقروض ، حکمران طبقہ تنخواہیں بڑھا رہا ہے،سینیٹر سراج الحق

-->

خالق نگر(ڈیسک)امیر جماعت اسلامی  اسلامی  سینیٹر  سرالحق  کا کہناہے کہ ا کرپشن کو ختم کئے بغیر ملک ترقی نہیں کرسکتا ، عوام اپنے مسائل کے حل اور دیانتدار قیادت کیلئے ہمارا ساتھ دیں۔

سینیٹرسراج الحق نے کہا ہے کہ اگر کسی غریب پر پانچ ہزار کا بجلی بل ہوتا ہے تو اس کی بجلی کاٹ دی جاتی ہے اور کروڑوں کے نادہندگان کو کوئی پوچھنے والا نہیں۔ ان خیالات کا اظہار امیرجماعت اسلامی سینیٹرسراج الحق نے گزشتہ روز کاہنہ میڈیا کلب میں صحافیوں سے ٹیلیفونک گفتگو کرتے ہوئے کیا،امیرجماعت اسلامی نے مزیدکہا کہ ملک سے یہ دہرا معیار اب ختم ہونا چاہئے۔ حکمرانوں نے ہمیشہ عوام کی بجائے اپنے مفادات کا تحفظ کیا ہے جس کی وجہ سے آج ملک اس نازک صورتحال پر پہنچا ہے کہ قوم کا بچہ بچہ مقروض ہے۔حکمران طبقہ اپنی تنخواہیں بڑھا رہا ہے ،ان حکمرانوں کے ہوتے ہوئے ملک ترقی نہیں کرسکتا،اسلئے عوام میں انقلابی اورعوامی شعور پیدا کرنے کی ضرورت ہے۔عوام کو بھی چاہئے کہ بڑے بڑے بنگلوں کا طواف کرنے کی بجائے اپنے ووٹ کی طاقت کے ایٹم بم کو کرپشن،ناانصافیوں اور نااہل قیادت کے خلاف استعمال کریں۔انہوں نے کہا کہ پاکستان تیل ،گیس اور دیگر قدرتی وسائل سے مالامال ہونے کے باوجود صحت،تعلیم اور دیگر بنیادی سہولتوں سے محروم ہے ،سراج الحق نے کہا کہ یہ دنیا امتحان گاہ ہے،حق وباطل کے معرکہ میں معاشرے کے اچھے لوگوں کو خاموش تماشائی بننے کی بجائے اقامت دین کی جدوجہد کرنے والے لوگوں کا ساتھ دینا چاہئے۔کتنے افسوس کی بات ہے کہ اسلام کے نام پر حاصل کردہ ملک میں ناچ گانے اور فحاشی کی آزادی مگر اسلام اور ناموس رسالت کی بات کرنا جرم بن گیا ہے۔

Continue Reading

اسلام آباد

بلاول بھٹو کی ہندو برادری کو ہولی کی مبارکباد

-->

لاہور(ڈیسک) پاکستان پیپلز پارٹی کے چیئرمین  بلاول بھٹو زرداری نے ہندو برادری کو  ہولی  کی مبارکباددی ہے

اپنے بیان میں انہوں نے کہا کہ تمام ہندو بھائیوں اور بہنوں کو ہولی کے خوشیوں بھرے تہوار کی مبارکباد دیتا ہوں۔آئیں اس تہوار پر خوشیوں اور امن کا پیغام پھیلائیں۔

متعلقہ اشاعت

Continue Reading

پاکستان

سائیں سرکار کو شیخ رشید کے خلاف کارروائی کا حق ہے، گورنر سندھ

-->

کراچی (ڈیسک) گورنر سندھ  عمران اسماعیل کا کہناہے کہ شیخ رشید کے خلاف سائیں سرکار کوحق ہے کہ وہ جو کارروائی کرنا چاہیے کرے اور شیخ رشید بھی قانونی جواب دے سکتے ییں۔

کراچی ایکسپوسینٹر میں میڈیا سے بات کرتے ہوئے گورنرسندھ نے کہا کہ گرین لائن منصوبہ التوا کا شکار نہیں ہے، وزیراعظم نے کہہ دیا ہے کہ کے سی آر منصوبے سے متصل رہائشیوں کو متبادل جگہ فراہم کرکے منصوبے کو پایہ تکمیل تک پہنچایا جائے گا۔ وفاق اورسندھ حکومت اس منصوبے پر مل کر کام کررہے ہیں جبکہ پاکستان کوارٹرز کے مکینوں کو مالکانہ حقوق دیئے جائیں گے۔

عمران اسماعیل کا کہنا تھا کہ شیخ رشید کے خلاف سائیں سرکار کو حق ہے کہ وہ جو کارروائی کرنا چاہے کرے، سندھ حکومت کی مرضی ہے کہ کسی کے خلاف بھی ایف آئی آر کٹوا سکتی ہے اور شیخ رشید بھی قانونی جواب دے سکتے ییں۔ احتساب بلا تفریق ہونا چاہیے، خواہ کوئی کتنی بھی ہنگامہ آرائی کرے قانون کی بالادستی ہونی چاہیے۔

Continue Reading
/

Facebook

آج کی سب سے زیادہ پڑھی جانے والی خبریں