کراچی (نیوز ڈیسک) متحدہ قومی موومنٹ پاکستان نے 21 تا 29 مئی ہیٹ ویو کے پیش نظر کے الیکٹرک سے لوڈشیڈنگ ختم کرنے کا مطالبہ کردیا۔
ایم کیوایم کے بیان میں کہا گیا ہے کہ شدید گرمی میں مختلف علاقوں میں روزانہ 12 گھنٹےسے زائد لوڈشیڈنگ کی جارہی ہے۔
بیان میں کہا گیا کہ کراچی کے شہری پاکستان میں سب سے زیادہ مہنگی بجلی خریدنے پر مجبور ہیں۔
ایم کیو ایم نے وفاقی وزیر توانائی سے مطالبہ کیا کہ کے الیکٹرک کو بجلی کی لوڈشیڈنگ کے دورانیے میں کمی کا پابند کیا جائے۔
ایم کیو ایم نے مزید کہا کہ وزیر توانائی کے الیکٹرک کو ہیٹ ویو کے دوران شہر کو لوڈشیڈنگ سے مستثنٰی قرار دینے کا پابند کریں۔