ہنوئی (ڈیسک) شمالی کوریا کے صدارتی دفترنے بتایاہے کہ ویتنام کے دارالحکومت ہنوئی میں امریکی صدر ڈونلڈ ٹرمپ اور شمالی کوریائی رہنما کِم جونگ اْن کے درمیان ہونے والی ملاقات کے دوران کوریائی جنگ کے باقاعدہ خاتمے کا اعلان بھی ہو سکتا ہے۔

میڈیارپورٹس کے مطابق شمالی کوریا کے صدارتی دفترنے بتایاکہ یہ دونوں رہنما اس حوالے سے ایک معاہدے تک پہنچ سکتے ہیں۔ امریکی حمایت یافتہ جنوبی کوریا اور چینی حمایت یافتہ شمالی کوریا سن 1950 سے سن 1953 کے درمیان ایک جنگ بھی لڑ چکے ہیں۔ تاہم اس جنگ کے خاتمے پر کوئی امن معاہدہ نہیں ہوا تھا جس کی وجہ سے پیونگ یانگ اور سیول ابھی تک تیکنیکی اعتبار سے حالت جنگ میں ہیں۔