استنبول(ڈیسک)ہالی وڈ فلم فائیو آئیز کی فلمبندی ترکی میں کی جائے گی۔

ترک ذرائع ابلاغ کے مطابق استنبول میں میڈیا سے گفتگو کرتے ہوئے ہالی وڈ فلمسازاور ہدایتکار گائے رچی نے بتایا کہ انہوں نے برطانوی اداکار جیسن سٹیٹم کی فلم فائیو آئیز کی فلمبندی کا آغاز 21 جنوری کوترکی سے کیا تھا ۔انہوں نے بتایا کہ وہ ترکی سے بڑے متاثر ہیں اور انہوں نے ترکی میں دو ماہ کی فلمبندی کے بعد پوری فلم ہی کو ترکی میں فلمانے کا فیصلہ کیا ہے۔واضح رہے کہ گزشتہ دنوں ہالی وڈ فلمسازگائے رچی اور ان کی اہلیہ جیکی آئسلی نےآیا صوفیہ مسجد اور توپ کاپی محل کا بھی دورہ کیا تھا۔