کراچی (ڈیسک) گورنر سندھ کامران خان ٹیسوری کے گھر بیٹے کی ولادت ہوئی۔ گورنرسندھ نے بیٹے کی ولادت پر اللہ تعالیٰ کا شکر ادا کیا، انہوں نے کہا کہ خالق حقیقی کا بہت بڑا کرم ہے کہ اُس نے نعمت سے نوازا۔ دریں اثناء وزیر اعلیٰ سندھ سید مراد علی شاہ، وفاقی و صوبائی وزراء، وفاقی و صوبائی سیکریٹریز اور عمائدین شہر کی بڑی تعداد نے گورنر سندھ کو بیٹے کی ولادت پر مبارکباد پیش کی ہے۔ گورنر سندھ نے بذریعہ فون، ایس ایم ایس اور واٹس ایپ میسج کے ذریعہ مبارکباد دینے والے تمام احباب کا شکریہ ادا کیا ہے۔