اسلام آباد (ڈیسک) وزیر دفاع خواجہ آصف نے کہا ہے کہ پاکستان تحریک انصاف نے جو استعفے گالم گلوچ کےساتھ دیئے تھے اب وہی استعفے واپس لینے کے لیے بے تاب ہیں۔
اسلام آباد میں پریس کانفرنس کرتے ہوئے خواجہ آصف کا کہنا تھا کہ عمران خان میں شرم اورحیا نام کی کوئی چیز نہیں ہے، حواری کہتے ہیں اب 70 نشستوں پرالیکشن لڑے گا اورپھر استعفے دےگا، کوئی صاحب عقل یہ نہیں کرسکتا، عمران خان کا ذہنی توازن درست نہیں ہے۔ خواجہ آصف کا کہنا تھا کہ نگراں وزیراعلیٰ پنجاب کے لیے ہمارے ناموں پر اعتراض کیا گیا، الیکشن کمیشن نے آئینی اور قانونی طریقے سے نگراں وزیراعلیٰ کی تقرری کی، پی ٹی آئی کا نگراںوزیراعلیٰ کی تقرری پراعتراض کا کوئی آئینی جواز نہیں، پرویز الہٰی اس عمر میں اپنے رشتےدار کے خلاف ہوگئے ہیں۔