اسلام آباد (ڈیسک) مہلک مرض  کورونا وائرس سے ملک میں ایک دن میں 2 ہزار سے زائد کیسز رپورٹ  جبکہ 37 افراد ایک ہی دن میں جان کی بازی ہار چکے ہیں ۔

نیشنل کمانڈ اینڈ آپریشن سینٹرکے تازہ اعداد وشمارکے مطابق گزشتہ 24 گھنٹوں میں کورونا کے 2 ہزار 304 نئے کیسز رپورٹ ہوئے۔ جس کے بعد ملک بھرمیں مجموعی کیسز کی تعداد 3  لاکھ 52 ہزار 296 ہوگئی۔

این سی او سی کے مطابق فعال کیسز کی تعداد بڑھ کر 23 ہزار 641 ہوگئی جب کہ اب تک کورونا وائرس میں مبتلا 3 لاکھ 21 ہزار 563 مریض صحت یاب ہوچکے ہیں۔ گزشتہ 24 گھنٹوں میں مزید 37 اموات رپورٹ ہوئیں جس کے بعد مجموعی اموات کی تعداد 7 ہزار 092 ہوگئی۔

سندھ میں مریضوں کی تعداد ایک لاکھ 53 ہزار 051 ، پنجاب میں ایک لاکھ8 ہزار 822، خیبرپختونخوا 41 ہزار 472 ، اسلام آباد میں 23 ہزار 122، بلوچستان میں 16 ہزار 274 ، آزاد کشمیر 5 ہزار 139 اورگلگت بلتستان میں 4 ہزار 416 تعداد ہوگئی۔