اسلام آباد (ڈیسک) ملک میں کورونا سے مزید 9 افراد جاں بحق ہوگئے جس کے بعد ہلاکتوں کی تعداد 6217 ہو گئی جب کہ مزید نئے کیسز سامنے آنے کے بعد مریضوں کی تعداد  291377 تک جاپہنچی ہے۔

گزشتہ چوبیس گھنٹوں کے دوران ملک بھر سے کورونا کے مزید 515 کیسز اور 9 ہلاکت رپورٹ ہوئیں جن میں سندھ سے 321 کیسز اور 7 اموات، پنجاب سے 58 کیسز، گلگت 18 کیسز ایک ہلاکت، خیبر پختونخوا سے 77 کیسز ایک ہلاکت، بلوچستان سے 21 کیسز، اسلام آباد 13 کیسز اور آزاد کشمیر سے 7 کیسز سامنے آئے ہیں۔

اب تک پنجاب میں 2186 ، سندھ میں 2350 اور خیبر پختونخوا میں 1243 افراد جاں بحق ہو چکے ہیں جب کہ اسلام آباد میں 175، بلوچستان میں 139، گلگت بلتستان میں 63 اور آزاد کشمیر میں 61 افراد کا انتقال ہوا ہے