اسلام آباد (ڈیسک) ملک میں کورونا سے مزید 14  افراد جاں بحق ہوگئے جس کے بعد ہلاکتوں کی تعداد 6198 ہو گئی جب کہ مزید نئے کیسز سامنے آنے کے بعد مریضوں کی تعداد 290214 تک جاپہنچی ہے۔

گزشتہ چوبیس گھنٹوں کے دوران  ملک بھر سے  کورونا وائرس کےمزید 608 کیسز اور 14 ہلاکتیں رپورٹ ہوئیں جن میں سندھ سے 318 کیسز اور 5 اموات، پنجاب سے 164 کیسز تین ہلاکتیں، خیبر پختونخوا سے 64 کیسز اور 3 اموات، گلگت سے 36 کیسز ، اسلام آباد 11 کیسز دو ہلاکتیں اور آزاد کشمیر سے  15 کیسز ایک ہلاکت سامنے آئی ہے۔

اب تک پنجاب میں 2185، سندھ میں 2336 اور خیبر پختونخوا میں 1242 افراد جاں بحق ہو چکے ہیں جب کہ اسلام آباد میں 175، بلوچستان میں 138، گلگت بلتستان میں 61 اور آزاد کشمیر میں 61 افراد کا انتقال ہوا ہے۔