اسلام آباد (ڈیسک) ملک میں کورونا سے مزید 10 افراد جاں بحق ہو گئے جس کے بعد کورونا سے ہلاکتوں کی مجموعی تعداد 6244 ہوگئی جبکہ نئے کیسز سامنے آنے کے بعد مریضوں کی تعداد 293150 تک جاپہنچی ہے۔

گزشتہ چوبیس گھنٹوں میں  ملک بھر سے کورونا کے مزید 550 کیسز اور 10ہلاکتیں رپورٹ ہوئیں جن میں سندھ میں 9 ہلاکتیں اور 319 کیسز اور گلگت 19 کیسز اور ایک ہلاکت رپورٹ ہوئی ہے۔

اس کے علاوہ پنجاب سے 121 کیسز، خیبرپختونخوا سے 46، اسلام آباد 21 کیسز، بلوچستان سے 20 کیسز اور آزاد کشمیر سے 4 کیسز سامنے آئے ہیں۔

اب تک پنجاب میں 2188، سندھ میں 2367 اور خیبر پختونخوا میں 1248 افراد جاں بحق ہو چکے ہیں جب کہ اسلام آباد میں 175، بلوچستان میں 141، گلگت بلتستان میں 64 اور آزاد کشمیر میں 61 افراد کا انتقال ہوا ہے۔