کراچی (ڈیسک) کمشنر کراچی نے آٹےکی نئی قیمت کا نوٹیفکیشن جاری کردیا جس کے مطابق آٹےکی قیمت 98 روپے فی کلو مقرر کی گئی ہے۔
گذشتہ ہفتے سے سندھ حکومت مارکیٹ میں 58 روپے کلو گندم فراہم کر رہی ہے لیکن اوپن مارکیٹ میں گندم کی قیمت کم ہونےکے بجائے ایک کلو پر 12 روپے مزید بڑھ گئی ہے۔ اوپن مارکیٹ میں ایک کلو گندم کا بھاؤ 112 روپے بھی ہے اور 115 روپے بھی جبکہ چکی والے 130 سے 140 روپے فی کلو آٹا بیچ رہے ہیں۔ کمشنر کراچی نے شہر میں ڈھائی نمبر آٹے کی مل کی قیمت 95 روپے اور ریٹیل 98 روپے مقرر کی ہے۔ کمشنر لسٹ میں فائن آٹےکا ریٹ شامل نہیں ہے جبکہ چکی کے آٹےکا بھاؤ 105 روپے مقرر کیا گیا ہے۔