اسلام آباد (ڈیسک) وزیراعظم محمد شہباز شریف نے کہا ہے کہ کفایت شعاری اقدامات سے ملک کو سالانہ 200ارب روپے کی بچت ہو گی۔
ٹویٹر پر اپنے پیغام میں وزیر اعظم شہباز شریف کا کہنا تھا کہ ملک کو درپیش اقتصادی مشکلات کے پیش نظر مسلم لیگ ن کی قیادت کا اپنی مثال پیش کرنا ہماری حکومت کا طرہ امتیاز ہے۔
انھوں نے کہا کہ کفایت شعاری اقدامات کے ذریعے عوام کے ساتھ اظہار یکجہتی اور عوام پر پڑنے والا بوجھ اٹھانے میں خود کو حصہ دار بنانا ہماری ترجیح ہے۔
وزیراعظم نے کہا کہ ملک اجتماعی کوششوں کے ذریعے ہی مومودہ بحرانی کیفیت سے نکل سکتا ہے۔
انہوں نے مزید کہا کہ کفایت شعاری کے اقدامات جن کا آغاز کابینہ ارکان کے اپنی تنخواہیں اور مراعات سے رضاکارانہ دستبردار ہونے سے ہو رہا ہے کے ذریعے قومی خزانہ کو سالانہ 200 ارب روپے کی بچت ہو گی۔
وزیراعظم نے ا س سلسلے میں حمایت کرنے پر اتحادی جماعتوں کا شکریہ بھی ادا کیا، وزیراعظم نے کہا کہ وہ کفایت شعاری کے اقدامات کی خود نگرانی کریں گے۔