کراچی (نیوز ڈیسک) ٹک ٹاک پر پر ویڈیو پوسٹ کرنا پولیس اہلکاروں کو مہنگا پڑگیا، خاتون کانسٹیبل سمیت 2 اہلکاروں کو معطل کردیا گیا۔
ڈی آئی جی ساؤتھ اسد رضا کے مطابق وائرل ویڈیو میں نظر آنے والی لیڈی پولیس کانسٹیبل کو معطل کردیا گیا ہے۔
ڈی آئی جی نے ایس ایس پی ساؤتھ سے لیڈی کانسٹیبل کی رپورٹ طلب کرلی ہے۔
انہوں نے کہا کہ پولیس پروفیشنل ادارہ ہے، ایسے غیر ذمے دارانہ فعل کی اجازت نہیں دی جاسکتی۔
بغدادی تھانے میں تعینات کانسٹیبل کی وائرل ہونے والی ویڈیو پر ایس ایس پی سٹی نے ایکشن لیتے ہوئے ویڈیو بنانے والے کانسٹیبل ذیشان کو بھی معطل کردیا۔
ایس ایس پی نے کانسٹیبل کو سٹی آفس رپورٹ کرنے کا حکم دیا۔
یاد رہے کہ ذیشان نے ٹک ٹاک پر ویڈیو 2023ء میں اپ لوڈ کی تھی۔
ایس ایس پی سٹی کا کہنا تھا کہ کسی اہلکار کو اسلحہ کے ساتھ کھیلنے کی اجازت نہیں ہوگی۔