بیجنگ (ڈیسک) چین کے صوبہ فوجو میں بڑھتے ہوئے کورونا کیسز کی وجہ سے یونیورسٹیاں اور اسکول بند کر دیے گئے۔

چینی خبررساں ادارے کے مطابق وبا پر قابو اور حفاظتی تدابیر کے دائرہ کار میں شہر کی 36 یونیورسٹیوں اور ہائی سکولوں میں داخلہ و خروج ممنوع قرار دے دیا گیا اور 9 میٹروپولیٹن تحصیلوں کے سکولوں کو ہفتے بھر کے لئے بند کر دیا گیا ہے۔فوجو کے محکمہ تعلیم کے ڈائریکٹر یوشن نے جاری کردہ بیان میں کہا ہے کہ تعلیمی اداروں کے کیمپسوں میں مقیم اساتذہ اور طالبعلم باہر نہیں نکل سکیں گے اورباہر کے رہائشی بھی اندر داخل نہیں ہو سکیں گے۔ انہوں نے کہاکہ تمام سکولوں اور تعلیمی اداروں کی سرگرمیاں آن لائن جاری رہیں گی اور اواخرِ ہفتہ متوقع ‘اساتذہ کے درجہ اہلیت’ امتحان میں صرف گرین کوڈ والے اساتذہ شرکت کر سکیں گے۔واضح رہے کہ گزشتہ روز فوجو میں 58 ایسے کورونا کیسوں کی تشخیص کی گئی کہ جن میں کورونا کی کوئی علامات نہیں تھیں۔ صوبے میں علامتوں کے بغیر کورونا کیسوں کی تازہ تعداد 128 ریکارڈ کی گئی ہے۔مریضوں کی تعداد کم ہونے اور بیماری کی علامات ظاہر نہ کرنے کے باوجود قرنطینہ پابندیوں کا اطلاق ظاہر کرتا ہے کہ چین اپنی صفر کورونا کیس پالیسی کے سخت نفاذ پر کاربند ہے۔