اسلام آباد (نیوز ڈیسک) نجی ٹی وی چینل پر سیاسی جماعتوں کے رہنما گتھم گتھا ہوگئے۔
چیئرمین پاکستان تحریک انصاف کے وکیل شیر افضل مروت اور مسلم لیگ (ن) کے رہنما سینیٹر افنان اللہ ٹی وی پروگرام کے دوران دھینگا مشتی پر اتر آئے۔
بحث کے دوران تلخ کلامی اور پھر نازیبا الفاظ کی ادائیگی کے بعد نوبت مار پٹائی تک پہنچ گئی۔
پروگرام کے دوران ہی دونوں ایک دوسرے پر پل پڑے، پہلے دھکے دیئےاور بعدازاں ایک دوسرے پر تھپڑ وں اور مکوں کی بارش کردی۔
مار پیٹ کرتے ہوئے دونوں فرش پر گرپڑے، بعدازاں پروگرام کے سیٹ پر موجود عملے نے بیچ بچاؤ کراتے ہوئے دونوں کو علیحدہ کیا۔
پی ٹی آئی کے شیر افضل اور لیگی رہنما افنان اللہ ٹی وی پروگرام کے دوران گتھم گتھا
