کراچی (ڈیسک) پاکستان تحریک انصاف کی سابق رکن قومی اسمبلی صائمہ ایوب کو وفاقی تحقیقاتی ادارے نے بیرون ملک روانگی کے وقت سے جہاز سے آف لوڈ کردیا بعدازاں پولیس نے انہیں حراست میں لے لیا۔
پی ٹی آئی کی سابق رکن قومی اسمبلی صائمہ جناح انٹرنیشنل ایئرپورٹ سے غیرملکی ایئرلائن کی پرواز ای کے 503 سے کینیڈا کے شہر ٹورنٹو جارہی تھیں۔
ایف آئی اے حکام نے انہیں پرواز سے آف لوڈ کرکے جہاز کے پرواز بھرنے تک روکے رکھا۔
بعد ازاں صائمہ ندیم جیسے ہی ایئرپورٹ سے باہر نکلیں انہیں پولیس نے حراست میں لے لیا۔
ذرائع کے مطابق قانون نافذ کرنے والے اداروں کے پاس ممکنہ طور پر بیرون ملک فرار ہونے والی پی ٹی آئی قیادت کی موجود فہرست میں صائمہ ندیم کا نام بھی شامل تھا۔
