کراچی (ڈیسک) سابق گورنر سندھ ، رہنما تحریک انصاف عمران اسماعیل نے جیل سے رہا ہوتے ہی تحریک انصاف کی بنیادی رکنیت سے استعفی دے دیا ۔
انھوں نے کہا کہ خان صاحب اور تحریک انصاف کو اللہ حافظ کہتا ہوں۔
رہائی کے بعد پریس کانفرنس کرتے ہوئے انہوں نے کہا کہ میں پی ٹی آئی کے بانی ارکان میں سے ہوں، آج ان کو سوچنا چاہیے جو عمران خان کے گرد بیٹھ کر انہیں مشورے دیا کرتے تھے۔
ان کا کہنا تھا کہ یہ میری آخری سیاسی پریس کانفرنس ہے، انہوں نے کہا کہ 9 مئی واقعات میں ملوث افراد کو سزا ملنی چاہیے ، واقعات کی شفاف انکوائری ضرور ہونی چاہئے۔
عمران اسماعیل نے کہا کہ میں پی ٹی آئی کے تمام عہدوں سے استعفی دے رہا ہوں، پی ٹی آئی کی بنیادی رکنیت بھی ختم کر رہا ہوں۔
انھوں نے کہا کہ میری سیاست ختم ہوئی یا نہیں اس بات کا ابھی حتمی فیصلہ نہیں کرسکا، خان صاحب! آپ کو اور پاکستان تحریک انصاف کو اللہ حافظ کہتا ہوں۔