You are currently viewing پیٹرول، مٹی کے تیل اور لائٹ ڈیزل کی قیمتیں برقرار، ہائی اسپیڈ ڈیزل کی قیمت میں 4 روپے اضافہ

پیٹرول، مٹی کے تیل اور لائٹ ڈیزل کی قیمتیں برقرار، ہائی اسپیڈ ڈیزل کی قیمت میں 4 روپے اضافہ

اسلام آباد(ڈیسک) حکومت نے پیٹرول، مٹی کے تیل اور لائٹ ڈیزل کی قیمتیں برقرار رکھی ہے جبکہ ہائی اسپیڈ ڈیزل کی قیمت میں 4 روپے فی لیٹر اضافہ کیا گیا ہے۔

فنانس ڈویژن کے جاری کردہ نوٹی فکیشن میں کہا گیا ہے کہ عوام کو زیادہ سے زیادہ ریلیف فراہم کرنے کے لیے حکومت نے بین الاقوامی مارکیٹ میں ہونے والا پیٹرولیم مصنوعات کی قیمتوں میں اضافہ خود برداشت کرنے کا فیصلہ کیا ہے۔

جاری کردہ اعلامیے کے مطابق پیٹرول، مٹی کے تیل اور لائٹ ڈیزل کی قیمتیں برقرار رہیں گی تاہم عالمی سطح پر غیر معمولی اضافے کے باعث ہائی اسپیڈ ڈیزل کی قیمت میں 4 روپے فی لیٹر اضافہ کیا گیا ہے۔ قیمتوں کا اطلاق یکم دسمبر سے  ہوگا اور یہ نرخ آئندہ 15 روز تک نافذ العمل رہیں گے۔

واضح رہے کہ حکومتی فیصلے کے بعد پیٹرول 100 روپے 69 پیسے ، مٹی کا تیل  65 روپے 29 پیسے، لائٹ ڈیزل کی قیمت 62 روپے 86 پیسے فی لیٹر کی قیمت پر برقرار رہے گی جب کہ ہائی اسپیڈ ڈیزل کی قیمت 4 روپے اضافےکے بعد 105 روپے 43 پیسے ہوجائے گی۔

Staff Reporter

Rehmat Murad, holds Masters degree in Literature from University of Karachi. He is working as a journalist since 2016 covering national/international politics and crime.