اسلام آباد (ڈیسک) عمران خان نااہلی کے خلاف احتجاج کے دوران پولیس پر پتھرائو کے الزام میں تحریک انصاف کے رہنماؤں اور کارکنوں پرانسداد دہشت گردی دفعات کے تحت مقدمہ درج کرلیا گیا۔

 پی ٹی آئی کی مقامی قیادت کے خلاف مقدمہ تھانہ آئی نائن میں درج کیا گیا ہے، مقدمے میں عامر کیانی، قیوم عباسی، فیصل جاوید، راجہ راشد حفیظ، عمر تنویر بٹ، راشد نسیم عباسی اور راجہ ماجد کو نامزد کیا گیا ہے۔ ایف آئی آر کے متن میں کہا گیا ہے کہ تحریک انصاف کے کار کنوں نے پولیس، ایف سی اور انتظامیہ پر پتھراؤ کیا جس سے متعدد پولیس اور ایف سی اہلکار زخمی ہوئے جبکہ مظاہرین نے قتل کی نیت سے پولیس اہلکاروں پر گاڑیاں چڑھانے کی کوشش کی، فیض آباد سمیت قریبی علاقوں میں درختوں کو آگ لگائی اور سرکاری املاک کو نقصان پہنچانے کی کوشش کی گئی۔