راولپنڈی (ڈیسک) راولپنڈی ڈویلپمنٹ اتھارٹی (آر ڈی اے) نے راولپنڈی کی 336ہائوسنگ سوسائٹیز کو غیر قانونی قرار دے دیا۔
آر ڈی اے کے ریکارڈ کے مطابق پنڈی زون میں 484ہاؤسنگ سوسائٹیز کام جاری رکھے ہوئے ہیں، ان میں سے 336غیر قانونی ہیں جبکہ 79سوسائٹیز کی رجسٹریشن کے مراحل ابھی باقی ہیں۔
راولپنڈی ڈویلپمنٹ اتھارٹی حکام کا کہنا ہے کہ غیر قانونی ہاؤسنگ سوسائٹیز کےخلاف خصوصی ٹاسک فورس قائم کر دی گئی ہے اور 40کے قریب غیرقانونی ہاؤسنگ اسکیموں کی تعمیرات گرا دی گئی ہیں۔
انہوں نے بتایا کہ غیر قانونی ہاؤسنگ اسکیموں کے مالکان کےخلاف قانونی کارروائی کی گئی ہے اور 8مالکان کو گرفتار بھی کر لیا گیا ہے۔
ایف آئی اے کو ان غیرقانونی ہاؤسنگ سوسائٹیز کی سوشل میڈیا پر تشہیر روکنےکے لیے خط لکھا جا چکا ہے۔
ڈی جی کا مزید کہنا ہے کہ غیرقانونی ہاؤسنگ سوسائٹیز کےخلاف آپریشن کےدوران 80مقدمات درج کیے گئے۔