لاہور (نیوز ڈیسک) محکمہ اینٹی کرپشن نے پی ٹی آئی کے صدر پرویز الٰہی کے خلاف ایک اور مقدمہ درج کرنے کا فیصلہ کرلیا۔
اینٹی کرپشن حکام کے مطابق ماسٹر پلان 2050 میں بے ضابطگیوں اور کرپشن کے الزام میں پرویز الٰہی کے خلاف مقدمہ درج کیا جائے گا۔
حکام کے مطابق ماسٹر پلان میں قصور کی اراضی کو غیر قانونی طور پر براؤن کیا گیا۔
صدر پی ٹی آئی کے خلاف مقدمہ اینٹی کرپشن لاہور ریجن اے میں درج کیا جائے گا۔
اینٹی کرپشن نے بتایا کہ کوٹلہ رائے ابوبکر کی اراضی پرویز الٰہی کے بیٹے کی ملکیت ہے۔
حکام نے کہا کہ چیئرمین ایل ڈی اے نے مونس الٰہی کی ایماء پر اراضی کے جعلی نقشے پر دستخط کیے۔
غیر ملکی کمپنی کے ساتھ اسٹیج 5 پر ماسٹر پلان کی غیر قانونی منظوری دی گئی۔