نیویارک (ڈیسک ) ٹوئٹر نے ایلون مسک کے خلاف عدالت میں مقدمہ دائر کر دیا،اس حوالے سے ٹوئٹر کا کہنا تھا کہ مسک نے سب کے سامنےکمپنی کو خریدنے کی بات کی، پھر اچانک سے اپنی بات سے منحرف ہو گئے۔

کمپنی کو خریدنے کے لیے اس قدر تشہیر ، بیچنے والے کے موافق کمپنی کے انضمام کے معاہدے کی تجویز اور اس پر دستخط کرنے کے بعدمسک یہ سمجھتے ہیں کہ دوسری پارٹی کے بر عکس وہ خود ڈیلاویئر کنٹریکٹ قانون کے تابع نہیں ہیں۔ وہ اپنا ذہن تبدیل کرنے اور معاہدے کو کوڑے دان میں ڈالنے کیلئے آزاد ہیں۔ وہ کمپنی کے کاموں میں خلل ڈالنے کے مجاز ہیں اور اسٹاک ہولڈرز کی قیمت کو تباہ کرنے کے ساتھ ہی معاہدہ ترک کر سکتے ہیں، ہم انھیں ایسا کرنے کی ہر گز اجازت نہیں دیں گے۔