کراچی ( ڈیسک) ایم کیو ایم پاکستان کے رہنما اور وفاقی وزیر سینیٹر فیصل سبزواری نے مردم شماری پر شدید تحفظات کا اظہار کردیا۔
کراچی کے علاقے لانڈھی میں دعوت افطار سے خطاب کرتے ہوئے فیصل سبزواری نے کہا کہ 2017 میں ہمیں مردم شماری میں محض ایک کروڑ 60 لاکھ گنا گیا جبکہ اس مردم شماری میں لاہور کی آبادی 1کروڑ 25 لاکھ گنی گئی۔
انہوں نے کہا کہ پی ٹی آئی سے یہ تحریری معاہدہ کیا کہ ہماری مردم شماری کو درست کریں، انہوں نے نہ مانا تو ہم نے 2019 میں ان کی کابینہ چھوڑ دی۔
انھوں نے کہا کہ وفاقی وزیر کی حیثیت سے کہہ رہا ہوں کہ موجودہ مردم شماری پر شدید تحفظات ہیں۔
فیصل سبزواری نے کہا کہ ہر شخص کے پاس کمپیوٹرائزڈ شناختی کارڈ ہے، اس مردم کو شفاف کرنا ہے تو نادرا سے مدد لینا ضروری ہے۔
وفاقی وزیر نے کہا کہپاکستان میں آبادی کے تناسب سے وفاق صوبوں کو ٹیکس دیتا ہے اگر ہم درست نہیں گنے جائیں تو ہمیں درست ٹیکس کا حصہ بھی نہیں ملے گا۔