اسلام آباد (ڈیسک) وزیر خارجہ بلاول بھٹو زرداری سے چینی سفیر نونگ رونگ نے جمعرات کویہاں وزارت خارجہ میں الوداعی ملاقات کی۔
ترجمان دفتر خارجہ کے مطابق ملاقات کے دوران پاکستان اور چین کے مابین دو طرفہ تعلقات، سی پیک منصوبے سمیت مختلف شعبہ جات میں دو طرفہ تعاون کے فروغ پر تبادلہ خیال کیا گیا۔ وزیر خارجہ نے پاکستان اور چین کے درمیان دو طرفہ تعلقات کے فروغ کے حوالے سے چینی سفیر کی خدمات کو سراہا۔ وزیر خارجہ بلاول بھٹو زرداری نے اس موقع پر چینی سفیر نونگ رونگ کے لیے نیک خواہشات کا بھی اظہار کیا۔