اسلام آباد (نیوز ڈیسک) وفاقی حکومت نے عیدالفطر کی تعطیلات کا اعلان کر دیا۔
وزیراعظم نے عیدالفطر پر چار چھٹیوں کی منظوری دی، عیدالفطر کی تعطیلات 10 اپریل بروز بدھ سے 13 اپریل بروز ہفتے تک ہوں گی۔
واضح رہے کہ محکمہ موسمیات نے 9 اپریل کو شوال کا چاند نظر آنے کے امکانات ظاہر کیے ہیں۔
محکمہ موسمیات نے عیدالفطر کے چاند کے حوالے سے پیشگوئی کرتے ہوئے کہا کہ نئے چاند کی پیدائش 8 اپریل کو رات 11 بج کر 21 منٹ پر ہوگی اور 9 اپریل کو چاند نظر آنے کے امکانات ہیں۔