اسلام آباد (ڈیسک)  مسلم لیگ (ن) پنجاب میں پرویز الٰہی کو وزیراعلیٰ ماننے کو تیار ہوگئی۔ ذرائع کے مطابق ن لیگ کے سینئر رہنما چوہدری شجاعت سے رابطے میں ہیں ۔ ذرائع کے مطابق چوہدری برادران کے رابطے بھی بحال ہوگئے تاہم سیاسی معاملات پر فی الحال بات چیت نہیں ہوئی۔ لیگی ذرائع کا کہنا ہے کہ پارٹی پرویزالٰہی کی ڈبل گیم نہیں چاہتی، واضح طور پر سامنے آنا ہوگا۔ ذرائع کے مطابق ن لیگ پنجاب کے اجلاس میں ڈویژن صدور کو متوقع امیدواروں کی لسٹ تیار کرنے کی ہدایت کی گئی ہے۔ اس حوالے سے وزیر داخلہ رانا ثناء اللہ کا کہنا تھاکہ چوہدری شجاعت ہمارے اتحادی ہیں، ان سے بات چیت ہوتی ہے،ان کا کہنا تھا کہ ہم پہلے کی طرح ڈبل گیم نہیں چاہتے۔