اسلام آباد (ڈیسک) نیشنل الیکٹرک پاور ریگولیٹری اتھارٹی نے ملک میں ہونے والے بلیک آؤٹ کا سخت نوٹس لے لیا۔
نیپرا نے نیشنل ٹرانسمیشن اینڈ ڈسپیچ کمپنی (این ٹی ڈی سی) سے رپورٹ طلب کرلی ہے۔ نیپرا ترجمان کے بیان کے مطابق اتھارٹی اس سے قبل 2021 اور 2022 میں ملک میں ہونے والے بلیک آؤٹ اور ٹاور گرنے کے واقعات پر جرمانے کرچکی ہے۔ مستقبل میں ایسے واقعات کو روکنے کے لیے نیپرا مسلسل ہدایات اور سفارشات جاری کرتا رہا ہے۔