اسلام آباد (ڈیسک) ماہانہ فیول ایڈجسٹمنٹ کی مد میں بجلی ایک روپے 60 پیسے مہنگی کردی گئی۔
نیشنل الیکٹرک پاور ریگولیٹری اتھارٹی نے ڈسکوز کے اپریل کے ماہانہ فیول چارجز ایڈجسٹمنٹ کے حوالے سے عوامی سماعت مکمل کرلی ہے۔
نیپرا اعلامیےکے مطابق سینٹرل پاور پرچیزنگ ایجنسی نے 2 روپے ایک پیسہ فی یونٹ اضافےکی درخواست جمع کرائی تھی۔
ڈیٹاکی ابتدائی جانچ پڑتال کے مطابق 1 روپے 61 پیسےفی یونٹ اضافہ بنتا ہے۔
نیپرا کا کہنا ہےکہ فی یونٹ اضافےکا اطلاق ڈسکوز کے تمام صارفین ماسوائے لائف لائن اور الیکٹرک وہیکل چارجنگ اسٹیشنز پرہوگا۔
حالیہ اضافے کا اطلاق کے الیکٹرک صارفین پربھی نہیں ہوگا۔
چیئرمین نیپرا کا کہنا ہےکہ اتھارٹی ڈیٹا کی مزید جانچ پڑتال کے بعد اپنا تفصیلی فیصلہ جاری کرے گی۔