کوئنز ٹاؤن (نیوز ڈیسک) پاکستان ویمن اور نیوزی لینڈ ویمن ٹیم کے درمیان کھیلا جانے والا تیسرا اور آخری ٹی ٹوئنٹی میچ بارش کے باعث گرلز اِن گرین ہار گئیں۔
ڈرک ورتھ لوئس میتھڈ کے تحت گرلز اِن گرین کو 6 رنز سے شکست ہوئی۔
نیوزی لینڈ ویمن ٹیم سیریز کا تیسرا اور آخری ٹی ٹوئنٹی میچ جیت گئی تاہم سیریز دو ایک سے پاکستان ویمن ٹیم کے نام رہی۔
پاکستان ویمن ٹیم نے تیسرے ٹی ٹوئنٹی میچ میں نیوزی لینڈ کو 138 رنز کا ہدف دیا تھا۔
کوئنز ٹاؤن نیوزی لینڈ میں کھیلے گئے میچ میں نیوزی لینڈ نے ٹاس جیت کر پہلے فیلڈنگ کا فیصلہ کیاتھا۔
پاکستان کی جانب سے ٹاپ اسکورر سدرہ امین نے 38 بالز پر 43 رنز اسکور کیے۔
اوپنر بیٹر منیبہ علی 27 جبکہ کپتان ندا ڈار 25 رنز اسکور بنا کر نمایاں رہیں۔
جواب میں نیوزی لینڈ ویمن ٹیم نے 15 اوورز میں 2 وکٹ پر 101 رنز بنالیے تھے تاہم بارش کی وجہ سے میچ مکمل نہ ہوسکا اور ڈرک ورتھ لوئس میتھڈ کے تحت نیوزی لینڈ نے میچ 6 رنز سے جیت لیا۔