راولپنڈی (نیوز ڈیسک) توشہ خانہ کے نئے ریفرنس میں نیب کی ٹیم بانی پی ٹی آئی اور ان کی اہلیہ بشریٰ بی بی سے تفتیش کے لیے آج جیل پہنچی۔
اسسٹنٹ ڈائریکٹر نیب اسد اللہ مخدوم کی سربراہی میں ٹیم نے راولپنڈی کی اڈیالہ جیل میں تفتیش کی۔
نیب کی ٹیم گیٹ نمبر 5 سے اڈیالہ جیل پہنچی تھی۔
گزشتہ روز ملزمان کا توشہ خانہ کے نئے ریفرنس میں مزید 11 روزہ جسمانی ریمانڈ حاصل کیا گیا تھا۔
ملزمان کا جسمانی ریمانڈ مکمل ہونے پر انہیں 19 اگست کو دوبارہ عدالت میں پیش کیا جائے گا۔
نیا توشہ خانہ ریفرنس، بانی پی ٹی آئی اور بشریٰ بی بی سے جیل میں تفتیش
