اسلام آباد (ڈیسک) وفاقی دارالحکومت میں منکی پوکس کے 20 مشتبہ کیسز رپورٹ ہونے کا انکشاف ہوا ہے۔
نگراں وزیر صحت پنجاب ڈاکٹر جاوید اکرم نے نجی ٹی وی سے گفتگو کرتے ہوئے کہا ہے کہ اسلام آباد میں منکی پوکس کے 20 مشتبہ کیسز رپورٹ ہوئے ہیں۔
انہوں نے کہا کہ چلڈرن اور جنرل اسپتال میں آئسولیشن وارڈز قائم کردیئے گئے ہیں، ان کا کہنا تھا کہ 9 سے 15 سال کے بچے منکی پوکس سے زیادہ متاثر ہوتے ہیں۔
نگراں وزیر صحت پنجاب کا کہنا ہے کہ پرائیوٹ لیبز میں منکی پوکس ٹیسٹ کی سہولت نہیںجبکہ پاکستان میں فی الوقت منکی پوکس کی ویکسین بھی دستیاب نہیں ہے۔
ڈاکٹر جاوید اکرم نے کہا کہ منکی پوکس نے تاحال وباء کی شکل اختیار نہیں کی ہے، بیرون ملک سے ویکسین منگوانے کے لئے انتظامات کر لیں گے۔
انھوں نے مزید کہا کہ منکی پوکس مریض کو ہاتھ لگانے سے پھیلتا ہے، ایئر پورٹ پر ڈاکٹرز کی ٹیم مقرر کردی ہے، ٹیم بیرون ملک سے آنے والے مسافروں کا بخار چیک کرے گی۔