لاہور(ڈیسک)لاہورکی احتساب عدالت نے نواز شریف کے اثاثہ جات منجمد کرنے کے خلاف درخواست پر فریقین کے وکلا سے دلائل طلب کرتے ہوئے سماعت آٹھ اپریل تک ملتوی کردی۔
احتساب عدالت کے جج اسد علی نے کیس کی سماعت کی۔نواز شریف فیملی اثاثہ جات منجمد کرنے کے خلاف یوسف عباس اور دیگر نے درخواست دائر کر رکھی ہے جس میں موقف اختیار کیا گیا ہے کہ نیب نے نواز شریف کی تمام جائیدادوں کو منجمد کردیا ہے۔نیب نے ان جائیدادوں کو منجمد کیا جو خاندان میں تقسیم ہو چکی ہیں۔عدالت نیب کے وراثتی جائیدادوں کو منجمد کرنے کے اقدام کو کالعدم قرار دے۔عدالت نے فریقین کے وکلا کو دلائل کے لیے طلب کرتے ہوئے درخواست پر مزید سماعت 8 اپریل تک ملتوی کر دی۔ نیب نے نواز شریف فیملی کے اثاثہ جات منجمد کرنے کی رپورٹ عدالت میں جمع کروا رکھی ہے۔
