لاہور (ڈیسک) پاکستان مسلم لیگ (ن) کے رہنما کیپٹن صفدر کا کہنا ہےکہ نواز شریف نے مولانا فصل الرحمان کی دھرنے میں شرکت کی ہد ایت ہے۔
لاہور کے کوٹ لکھپت جیل میں سابق وزیر اعظم میاں محمد نواز شریف سے ملاقات کے بعد میڈیا سے گفتگو کرتے ہوئے کیپٹن صفدر کا کہنا ہےکہ فضل الرحمان آزادی مارچ کے دلہا ہیں اور ہم انکے ساتھ کھڑے ہیں، مسلم لیگ ن کے تمام رہنما نواز شریف کی قیادت میں متفق ہیں، نواز شریف اور مریم نواز پر عزم ہیں اور فیصلہ کیا ہے کہ ہم نے مولانا فضل الرحمان کے دھرنے میں شرکت کرنی ہے۔
کیپٹن صفدر نے کہا کہ مسلم لیگ ن مولانا فضل الرحمان کو آزادی مارچ میں شرکت پر تین دفعہ قبول ہے کہہ چکی ہے، دھرنے کے قائد مولانا فضل الرحمان اور ہم سب مقتدی ہوں گے، آزادی مارچ کے دلہا مولانا فضل الرحمان اور جو گھر جائے گی وہ دلہن ہوگی، نوازشریف نے پیغام دیا ہے کہ مولانا فضل الرحمان کے آزادی مارچ میں ضرور شرکت کریں گے۔
کیپٹن صفدر نے مزید کہا کہ ملک میں جب آئین شکنی ہوگی اس کا آدھا گناہ جنرل ایوب کے سر جائے گا، بھٹو کا قاتل ضیاء الحق آمر تھا جو اسلام کے نام پر دیوار پھلانگ کر آیاتھا، تمام ڈکٹیٹروں کے گناہوں کا 75 فیصد حصہ ضیاالحق کے نام جائے گا جس نے اسلام کا نام استعمال کیا۔
