کراچی (ڈیسک) انگلش کپتان کی جانب سے سیلاب متاثرین کی مدد کے لیے ٹیسٹ سیریز کی مکمل میچ فیس کی رقم عطیہ کرنے کے اعلان پر شاہد آفریدی بھی بین اسٹوکس کی تعریف کیے بنا نہ رہ سکے۔ قومی کرکٹ ٹیم کے سابق کپتان شاہد آفریدی نے انگلش کرکٹر کے اس اقدام پر سوشل میڈیا پر بیان جاری کرتے ہوئے لکھا کہ ”سیلاب متاثرین کے لیے بین اسٹوکس کا اقدام قابل احترام ہے،بین آپ ہمارے کھیل کے سچے سفیر ہیں۔امید ہے آپ کے اس عمل سے دوسرے بھی متاثر ہوں گے“۔ شاہد آفریدی نے انگلش ٹیم کو 17 سال بعد پاکستان میں ٹیسٹ میچ کھیلنے پر خوش آمدید کہا اور بین اسٹوکس کی تعریف کی۔