منڈی بہاؤالدین (ڈیسک) پاکستان کے انٹرنیشنل اسنوکر پلیئر محمد بلال دل کا دورہ پڑنے سے انتقال کرگئے۔
38 سالہ محمد بلال کی نماز جنازہ بعد نماز ظہر منڈی بہاؤالدین میں ادا کرنے کے بعد سپرد خاک کردیا گیا۔
محمد بلال نے 2018 میں ایشین 10 بال اسنوکر چیمپئن شپ جیتی تھی۔
2018 کی ایشین 6 ریڈ بال چیمپئن شپ میں بلال رنر اپ رہے تھے۔
2019 میں انہوں نے اسجد اقبال کے ساتھ ورلڈ ٹیم چیمپئن شپ جیتی تھی۔
محمد بلال نے 2016 اور 2019 میں نیشنل اسنوکر چیمپئن شپ بھی جیتی تھی۔
پی بی ایس اے کے چیئرمین عالمگیر شیخ کی جانب سے محمد بلال کے انتقال پر افسوس کا اظہار کیا گیا۔