You are currently viewing ممتاز عالم دین مفتی منیب الرحمان نے عمران خان کی اصلاح کردی

ممتاز عالم دین مفتی منیب الرحمان نے عمران خان کی اصلاح کردی

کراچی (ڈیسک) ممتاز عالم دین مفتی منیب الرحمٰن نے پاکستان تحریک انصاف کے چیئرمین عمران خان کی اصلاح کر دی۔
ٹوئٹر پر جاری بیان میں ممتاز عالم دین مفتی منیب الرحمٰن کا کہنا ہے کہ خان صاحب نے فرمایا ہے کہ ’قرآن کی آیت ہے کہ” دوسروں کے عیبوں پر پردہ ڈالو“۔ انہوں نے کہا ہے کہ خان صاحب سے گزارش ہے کہ قرآن کریم میں ایسی کوئی آیت نہیں ہے۔

مفتی منیب الرحمٰن نے کہا ہے کہ قرآن کریم میں اللہ تعالیٰ نے عیب جوئی، طعن و تشنیع، ٹوہ لگانے، تمسخر اڑانے، برے ناموں سے پکارنے، بدگمانی، تجسس اور غیبت سے منع فرمایا ہے۔ انہوں نے یہ بھی کہا کہ حدیث پاک میں البتہ دوسروں کے عیوب پر پردہ ڈالنے کی ترغیب دی گئی ہے اور اس کا اجر بھی بیان فرمایا گیا ہے، مگر یہ سب کے لیے ہے۔ نیز عزت کمانے کے لیے دوسروں کی عزت کرنی پڑتی ہے۔مفتی منیب الرحمٰن نے سوشل میڈیا پر جاری بیان میں دعا کی ہے کہ اللہ تعالیٰ ہم عاجز بندوں سمیت خان صاحب اور سارے سیاسی قائدین کو کتاب و سنت کے احکام پر عمل کی توفیق عطا فرمائے۔