اسلام آباد (ڈیسک) نیشنل انسٹی ٹیوٹ آف ہیلتھ (این آئی ایچ) نے کہا ہے کہ 24 گھنٹوں کے دوران ملک بھر میں 11 ہزار 65 کورونا ٹیسٹ کیے گئے ہیں۔

پیر کے روز این آئی ایچ کی جانب سے جاری ٹویٹ میں شیئر کردہ اعداد وشمار کے مطابق گزشتہ 24 گھنٹوں کے دوران 11 ہزار 65 کورونا ٹیسٹ کیے گئے جن میں سے 55 افراد کے کورونا ٹیسٹ مثبت آئے اور مثبت کورونا ٹیسٹ کی شرح 0.50 فیصد رہی ہے۔ مزید برآں اس دوران کورونا وائرس سے کوئی بھی مریض جاں بحق نہیں ہوا جبکہ 73 مریضوں کی حالت تشویشناک ہے۔ اسی طرح گذشتہ 24 گھنٹوں کے دوران مختلف شہروں میں کورونا ٹیسٹوں کے مطابق مثبت کیسز کی شرح کے لحاظ سے پشاور میں کیے گئے 506 ٹیسٹوں میں سے 20 افراد کے ٹیسٹ مثبت آئے اوروہاں مثبت کیسز کی شرح0.95 فیصد رہی، ایبٹ آباد میں 98 ٹیسٹوں میں سے 2 افراد کے ٹیسٹ مثبت جبکہ وہاں مثبت کیسز کی شرح2.4 فیصد رہی۔ بہاولپورمیں کیے گئے 124 ٹیسٹوں میں سے 2 افراد کے ٹیسٹ مثبت آئے اور وہاں شرح 1.61فیصد رہی۔