اسلام آباد (ڈیسک) ملک بھر میں گذشتہ 24 گھنٹوں کے دوران 6 ہزار 33 کورونا ٹیسٹ کیے گئے ہیں۔ بدھ کو نیشنل انسٹیٹیوٹ آف ہیلتھ، این آئی ایچ کی جانب سے جاری اعداد وشمار کے مطابق گذشتہ 24 گھنٹوں کے دوران 6 ہزار 33 کورونا ٹیسٹ کیے گئے جن میں سے 38 افراد کے ٹیسٹ مثبت آئے ہیں۔ اسی طرح اس مدت میں مثبت کورونا ٹیسٹ کی شرح 0.63 فیصد رہی ہے۔ مزید برآں اس دوران کورونا وائرس سے ایک مریض جاں بحق ہوا جبکہ 53 مریضوں کی حالت تشویشناک ہے۔