لاہور (ڈیسک) پاکستان سپر لیگ (پی ایس ایل) 8 کے فائنل میچ میں لاہور قلندرز نے ملتان سلطانز کو ایک رن سے شکست دے کردوسری بار ٹرافی اپنے نام کرلی۔
حتمی معرکہ لاہور کے قذافی اسٹیڈیم میں ہوا۔ دفاعی چیمپئن لاہور قلندرز کے کپتان شاہین آفریدی نے ٹاس جیت کر پہلے بیٹنگ کرتے ہوئے مقررہ اوورز میں 200 رنز بنائے ۔ملتان کو جیت کیلئے 201 رنز کا ہدف ملا۔
لاہور قلندرز کی جانب سے عبداللہ شفیق 65، فخر زمان 39 اور شاہین آفریدی نے 15 گیندوں پر 44 رنز بنائے۔ شاہین آفریدی نے 5 چھکے اور 2 چوکے بھی لگائے۔
فائنل میچ سے قبل ایونٹ کی رنگا رنگ اختتامی تقریب ہوئی جس میں نامور فنکاروں نے فن کا مظاہرہ کیا۔