یروشلم (ڈیسک) اسرائیل اور مصر کی سرحد پر مصری پولیس افسر کی فائرنگ سے 3 اسرائیلی فوجی مارے گئے۔
غیر ملکی میڈیا کے مطابق ابتدائی تحقیقات میں بتایا گیا ہے کہ مرد اور ایک خاتون اہلکار صبح 6 بجے اپنی چیک پوسٹ پر مردہ حالت میں پائے گئے۔
لاشیں برآمد ہونے پر فوجی دستے وہاں پہنچے اور حملہ آور کی تلاش کے لیے آپریشن کیا گیا۔
اسرائیلی فوج کا دعویٰ ہے کہ دہشت گرد کا تعلق مصر کی پولیس سے ہے جو رات کے کسی پہر سرحد پار کرکے اسرائیل میں گھسا تھا۔
اسرائیلی فوج نے کہا کہ وہ اور مصری فوج واقعہ کی جامع تفتیش کر رہی ہے۔
دریں اثناء مصر کی فوج نے بیان میں کہا کہ ہمارے پولیس افسر نے منشیات اسمگلرز کا پیچھا کرتے ہوئے ملزمان پر فائرنگ کی تاہم اس کے نتیجے میں تین اسرائیلی فوجی ہلاک ہوگئے۔