نارووال (نیوز ڈیسک) وزیراعلیٰ پنجاب کی سکیورٹی اسکواڈ میں شامل گاڑی کی مبینہ ٹکرسے نوجوان جاں بحق ہوگیا۔
ڈی پی او نارووال کے مطابق ابوبکر نامی نوجوان آج صبح نارووال کے علاقے چندووال میں وزیراعلیٰ کی سکیورٹی اسکواڈ کی گاڑی کی مبینہ ٹکر سے جاں بحق ہوا۔
ڈی پی او کا کہنا ہے وزیراعلیٰ کی سکیورٹی کے لیے گاڑیاں کرتارپور جارہی تھیں جب مبینہ طور پر ایلیٹ فورس کی گاڑی اوور ٹیک کرتے ہوئے موٹر سائیکل سے ٹکرائی۔
حادثے میں ابوبکر موقع پر ہی جاں بحق ہوگیا جبکہ اس کا دوست محفوظ رہا۔
ڈی پی او کے مطابق نوجوان کے لواحقین کی درخواست پر ایف آئی آر درج کر رہے ہیں جبکہ تحقیقات کے بعد ذمہ داروں کے خلاف کارروائی کی جائے گی۔
مریم نواز کے سکیورٹی اسکواڈ میں شامل گاڑی کی مبینہ ٹکر، نوجوان جاں بحق
