You are currently viewing لیڈی گاگا کے کتے اغواء کرنے والے کو امریکی عدالت سے 21 برس کی سزا

لیڈی گاگا کے کتے اغواء کرنے والے کو امریکی عدالت سے 21 برس کی سزا

لاس اینجلس (ڈیسک) معروف امریکی پاپ گلوکارہ لیڈی گاگا کے کتوں کی رکھوالی کرنے والے ملازم پر گولی چلانے والے کو 21 برس قید کی سزا سنا دی گئی۔ غیر ملکی خبر رساں ایجنسی کی رپورٹ کے مطابق گزشتہ برس لیڈی گاگا کے ملازم ریان فشر ان کے فرانسیسی بُل ڈاگ نسل کے پالتو کتوں کو چہل قدمی کروارہا تھا کہ ملزم جیمز ہوورڈ جیکسن نے دو ساتھیوں کے ساتھ ملکر فائرنگ کرکے ملازم ریان فشر کو زخمی کیا اور دونوں کتوں کو اغواء کرلیا۔ رپورٹس کے مطابق کتوں کو واپس حاصل کرنے کے لیے لیڈی گاگا نے تقریباً 8 کروڑ روپے انعام کی پیشکش کا اعلان کیا جس کے بعد پولیس نے لیڈی گاگا کے کتے ڈھونڈ نکالے تھے۔ گذشتہ روز پولیس نے ملزم کو لاس اینجلس کی عدالت میں پیش کیا جہاں اس نے اعتراف جرم کرلیا جس کے بعد عدالت نے اسے 21 سال قید کی سزا سنادی۔

نیوز پاکستان

Exclusive Information 24/7