You are currently viewing لاہور میں آئندہ برس سے پرانی گاڑیاں نہیں چلائی جاسکیں گی

لاہور میں آئندہ برس سے پرانی گاڑیاں نہیں چلائی جاسکیں گی

لاہور (ڈیسک) لاہور میں آئندہ برس سے پرانی گاڑیاں نہیں چلائی جاسکیں گی۔ پنجاب حکومت نے لاہور میں آئندہ سال سے 30 سال سے زائد پرانی گاڑیوں پر پابندی لگانے کی تجویز دے دی۔ وزیر تحفظ ماحولیات راجا بشارت کی زیرصدارت انوائرمنٹ پروٹیکشن کونسل کا اجلاس ہوا جس میں مختلف تجاویز پیش کی گئیں۔اجلاس میں صوبے کی تحفظ ماحولیات پالیسی کو عالمی معیارات سے ہم آہنگ بنانے کا فیصلہ کرتے ہوئے تجویز دی گئی کہ آئندہ سال لاہور میں اکتوبر سے دسمبر تک 30 سال سے زائد پرانی گاڑیوں پرپابندی لگائی جائے، لاہور میں کار فری زونز اور دن مخصوص کرنے پر غور کیا گیا جب کہ بڑے پتے والے درخت لگانے کی تجویز دی گئی۔ صوبائی وزیر کا کہنا تھا کہ کوپ 26 سمیت بین الاقوامی کنونشنز میں کیے گئے وعدوں کی پاسداری کے پابند ہیں۔

نیوز پاکستان

Exclusive Information 24/7