لاہور (ڈیسک) 9 مئی کو فوجی املاک پر حملہ کرنے والے 4120 شرپسندوں میں سے 1160 کو گرفتار کیا جا چکا ہے۔
لاہور میں فوجی املاک پر حملہ کرنے والے 4 ہزار 120 شرپسندوں میں سے 2 ہزار 290 کی شناخت ہوگئی جس میں اب تک 1 ہزار 160 کو گرفتار کیا جا چکا ہے۔
پولیس کے مطابق جناح ہاؤس پر حملہ کرنے والے 1800 شرپسندوں میں سے 1 ہزار 125 کی شناخت ہوچکی ہے جن میں اب تک 513 شرپسندوں کو گرفتار کرلیا گیا ہے۔
عسکری ٹاور پر حملہ کرنے والے 1000 شرپسندوں میں سے 121 کی شناخت ہوسکی ہے جس میں اب تک 81 شرپسندوں کو گرفتار کرلیا گیا ہے۔
جی ایچ کیو پر 300 شرپسندوں نے حملہ کیا جس میں سے 158 کی شناخت ہوگئی جبکہ 109 شرپسند گرفتار کرلیے گئے ہیں۔
حمزہ کیمپ پر 150 شرپسندوں نے حملہ کیا، 95 کی شناخت ہوگئی، 77 کو گرفتار کرلیا گیا۔
پی اے ایف بیس میانوالی میں 177 حملہ آوروں میں سے 152 کی شناخت ہوچکی ہے، 103 گرفتار کیے جاچکے ہیں۔
گوجرانوالہ کینٹ میں 400 افراد نے حملہ کیا، 346 کی شناخت ہوگئی، 172 کو حراست میں لے لیا گیا۔
فیصل آباد میں حساس ادارے کے دفتر پر 300 شرپسندوں نے حملہ کیا، 192 کی شناخت ہوگئی، 112 گرفتار ہیں۔
دیگر شرپسندوں کی شناخت اور گرفتاریوں کاسلسلہ جاری ہے۔